MANUALIDADES DE OUTONO

06 decembro 2016


Nas clases de plástica, además das láminas que xa vos ensinamos tamén estivemos a facer unhas preciosas follas e uns bufos para adornar a árbore que está na entrada do colexio.

As follas, fixémolas utilizando esta plantilla que atopamos na páxina PED-KOPILPA:

E estas instruccións que atopamos na mesma páxina:

Collage feito con BeFunky.com

En canto aos bufos, fixémolos reciclando vellos CDs usados que había pola clase, con follas secas que recollimos na saída ás Fragas do Eume e con goma eva. Ollade que chulísimos nos quedaron:


Collages feitos con Photomontager

FOLLAS DE OUTONO II

04 decembro 2016

Na terceira lámina, traballamos as cores do outono, a simetría e a grafomotricidade. A profe repartiunos esta lámina coa metade de catro follas distintas:



Lámina atopada no SlideShare Outono de Cristina Moreira

Primeiro debuxamos a outra metade de cada folla a lápis e cando estivemos contentos co resultado, a repasamos a rotulador permanente negro.

A continuación pintámolas utilizando cores do outono: laranxa, marrón, amarelo, vermello, verde,...

Continuamos trazando cun rotulador da mesma cor da folla toda a silueta varias veces ata chegar ao borde do recadro.

Por último, recortamos as catro follas, pegámolas nunha lámina do bloc de debuxo na orde que quixemos e puxémoslle título.

Así de ben o fixemos:










NOTA:Falta a de Enma que subiremos proximamente para que vexades que ben lle saiu tamén.

FOLLAS DE OUTONO I

02 decembro 2016

Na segunda sesión de plástica, aprendimos cales eran as cores frías (azuis, verdes, morados,...) e as cores cálidas (amarelos, vermellos, laranxas,...) relacionándoas coa estación do outono.

Repartimos  entre todos catro modelos distintos de follas que atopamos na páxina de Itsy Bitsy Fun e que podedes descargar gratuitamente dende a súa páxina ou clicando na imaxe de abaixo:


A consigna foi pintar cada unha das zonas delimitadas de dentro da folla con cores cálidas e as de fóra, con cores frías.

E así foi como nos quedaron:






A que nos quedaron moi vistosas e coloridas?

Na próxima entrada, amosarémosvos cal foi a nosa terceira lámina de plástica, tamén relacionada co outono.



TRABALLANDO OS DEREITOS DOS NEN@S

30 novembro 2016


Como a maioría xa sabedes, todos os anos, o 20 de novembro, celébrase o Día Universal do Nen@. Como nos din en UNICEF, "é un día para chamar a atención sobre a situación dos nen@s máis desfavorecidos e dar a coñecer os dereitos da infancia lembrándoos que todos os nen@s teñen dereito á saúde, á educación e a protección, independentemente do lugar do mundo no que naceran".

Na clase, estivemos vendo cales eran eses dereitos e entre todos montamos un gran libro acordeón no que reflexamos algúns deles. Sheila encargouse do Dereito a ter un fogar, Carmen do Dereito a ter unha familia, Aitana do Dereito a xogar, Yago do Dereito a vivir en paz, Adrián do Dereito a que nos queiran e nos protexan, Paz do Dereito á saúde, Alba do Dereito a ter un nome, Ainoa e Miguel do Dereito á educación e Enma do Dereito a expresarnos libremente.

Nestas fotos podedes velo máis polo miúdo:

A portada:


E as páxinas de dúas en dúas:




Esperamos que vos guste tanto como a nós.


CELEBRAMOS O MAGOSTO

21 novembro 2016

O venres once de novembro, celebramos no cole a tradicional festa do Magosto. O día anterior, preparamos na clase estas bolsiñas onde gardar as castañas. A idea orixinal é do blog La classe de la maestra Valentina. Ollade como nos quedaron a nós:


A que nos quedaron moi xeitosiñas? 

Sobre as doce, saímos ao patio e alí poidemos degustar as ricas castañas asadas e os chourizos que asaron o profe Antonio e o noso conserxe Jorge. Moitas grazas aos dous. Tamén temos que darlle as grazas á nosa ANPA que foi a que unha vez máis, nos proporcionou as castañas de xeito gratuíto.

Afortunadamente o tempo acompañou e sabedes que?

PASÁMOLO FENOMENAL.



AS MACI OLIMPIADAS: BANDEIRA E LEMA

11 novembro 2016

Como xa vos informamos na derradeira entrada do proxecto das Maci Olimpiadas, o deporte sobre o que nos tocou investigar foi o ESGRIMA.

O seguinte paso, foi inventar un lema e unha bandeira para a nosa clase que nos representase, que podía ser tanto sobre o deporte e as olimpiadas en xeral, como na esgrima en particular.

Primeiro tiñamos que elexir un lema. Para iso, trouxemos da casa, un ou máis lemas inventados, que a profe escribiu na pizarra. A continuación cada un de nós, votou os dous que máis lle gustaron e estes foron os resultados da votación:

ENMA: Se che gusta o esgrima, apúntate coa túa prima. III

ADRIÁN: Asómate ao mundo da espada.

ALBA: Se fas deporte, serás máis forte. I

YAGO: Fai esgrima e terás un gran desafogo.

PAZ: Para ter autoestima, fai esgrima.I
          As olimpiadas non teñen paradas.
          Para ser un campión, fai exercicio a mogollón.I
          Nas olimpiadas todos somos campións. II
          A esgrima é unha rima. I

AINOA: Ven a facer esgrima, divertiraste moito.

CARMEN: Se che gusta o esgrima, come mandarina. III

SHEILA: Se queres aprender esgrima, colle a espada e ven connosco. I

MIGUEL: Non deas grima e fai esgrima.IIIII

Fixemos unha segunda volta, cos tres lemas que obtiveron máis puntuación que foron os de Enma, Carmen e Miguel. Nesta segunda volta, voltou a gañar o lema de Miguel que foi o que eleximos finalmente:

"NON DEAS GRIMA E FAI ESGRIMA"

Unha vez elexido o lema, quedábanos por inventar a nosa bandeira. Cada un deu a súa opinión sobre como quería que fose. Primeiro se iamos poñer persoas facendo esgrima ou tan só as espadas, que iamos poñer de fondo,... Pouco a pouco a idea da nosa bandeira ía debuxándose cando de repente todo deu a volta. Alguén suxeriu facer a Bob Esponja facendo esgrima e a partir de aí entre todos decidiron que máis ía ter.

Queredes ver o resultado? Pois aquí o tedes. Esta é a nosa bandeira na que colaboramos todos:


O 24 de outubro, día das Bibliotecas Escolares, o equipo da Biblioteca colgou na entrada do colexio, un mural coa resposta de todos á pregunta: QUE SON PARA TI AS OLIMPIADAS? e coas bandeiras de todas as clases. Quedou unha preciosidade.


GÚSTAVOS?

O BUZÓN DA CLASE

09 novembro 2016


Este ano temos na clase o Buzón da clase. Este serve para comunicarnos dun xeito colectivo xa que nel,  podemos expresar as nosas emocións escribindo notas de queixas, suxerencias, agradecimentos, dedicatorias, ... ao longo de toda a semana.

Seguindo a idea do blog, "Con tus propias palabras", ao lado do buzón, hai unha bandexa con papeliños de distintas cores para as diferentes ideas que queremos trasmitir. Hai papeis rosas para as queixas, verdes para as dedicatorias, laranxas para os agradecementos e amarelos para as suxerencias.


Os venres despois do recreo, abrimos o buzón,lemos as notas e reflexionamos e falamos sobre o que poñen:


É unha gran experiencia que nos permite entre outras cousas, resolver entre todos os pequenos conflitos que poden xurdir tanto na aula como no patio de recreo.

TÚNEL DO MEDO E TALLER DE MAQUILLAXE

07 novembro 2016

A derradeira entrada sobre o Samaín, adicámoslla ao taller de maquillaxe a ao túnel do medo, ámbalas dúas actividades organizadas pola gran ANPA que temos sempre disposta a axudar en todo.

No patio cuberto, fixeron o túnel do terror e pódovos asegurar que era realmente  .... TERRORÍFICO!!!!!! Vede, vede:


E despois no ximnasio, un taller de maquillaxe:


E xa para rematar, na clase vimos dous curtos sobre o medo:

- A bruxa de Pedro Solís en Vimeo:


-  e Tadeo Jones e o sótano maldito:

CONCURSO DE CABAZAS

05 novembro 2016

Un ano máis, celebramos no cole o CONCURSO DE CABAZAS. Cada ano é máis difícil elexir as tres gañadoras porque todas son unha preciosidade. Os nenos e nenas e as súas familias fan gala dunha creatividade incrible.

Aquí podedes ver algunhas destas fermosas e terroríficas cabazas:





A que son todas unha preciosidade, non si?

Despois de moito deliberar, as tres cabazas gañadoras dun vale por un libro son:

- A tumba de Ainara de terceiro:


- O espantallo de Lucía de quinto:


- E a parturienta de Antía de terceiro:


Todos os participantes levaron para a súa casa un diploma acreditativo da súa participación no concurso:



A nosa máis sinceira noraboa a tod@s!!!!!!!


TALLER DE COCIÑA MONSTRUOSO

03 novembro 2016


Outra das actividades que tamén fixemos polo Samaín na compaña dos nosos compañeiros e compañeiras de terceiro, foi un monstruoso taller de cociña.

Fixemos...

- Vasoiras de bruxa:


- Momias de salchichas:


- Mans monstruosas.


- Cabazas:


- E para beber ... non podía faltar o sangue.


E que fixemos despois con todo?

POIS COMELO, CLARO ESTÁ


GUSTADES?