O NOSO XARDÍN FLORIDO

19 xuño 2016

Así de bonita nos quedou a nosa derradeira lámina de plástica:




A idea orixinal, sacámola da páxina de Krokotak

VISITAMOS O INSTITUTO

18 xuño 2016


Como este ano tócanos deixar o cole e ir ao instituto, hai xa uns meses que fomos ao IES Fernando Esquío de visita xunto cos nenos e nenas de 6º do CEIP de San Isidro.

Empezamos visitando o ximnasio onde xogamos un mini partido de Volleyball:


A continuación fomos á biblioteca onde nos regalaron unha chapa e un pasaporte de lecturas:


Tamén visitamos, unhas cantas aulas, o salón de actos e o taller de tecnoloxía:


E xa para rematar, disfrutamos un montón dos pinchos que nos tiñan preparados ao lado da cafetería:

Tratáronnos moi ben.

3ª CHARLA PLAN DIRECTOR: "ACOSO ESCOLAR"

16 xuño 2016


O 23 de maio tivemos a terceira e derradeira charla do plan director, neste caso adicada a un tema tan de actualidade como é o acoso escolar.

Collage feito con Fotor

Por acoso escolar entendemos non só todas as formas de actitudes agresivas, intencionadas e repetidas, que ocorren sen motivación evidente, adoptadas por un ou máis estudantes contra outro u outros, a través de constantes ameazas, agresións,... senón tamén os insultos, os motes, os rumores inventados sobre un compañeir@, deixar de lado a alguén ,aillalo, non deixalo xogar, apartalo,...

Quedounos moi clariño que en caso de sufrir ou observar algún caso de acoso, non debemos tomar a xusticia pola nosa man senón que temos que informar sempre a unha  persoa adulta: pais, profesores,... e que tan grave é o que fai o acosador como ser testemuña e non dicir nada.

Durante a charla, visionamos estes videos sobre o acoso e algún tamén relacionado coa violencia de xénero:




Na rede atopei este fantástico libro en forma de cómic para falar cos máis pequenos do tema:


E tamén esta presentación de María Sebastian White con actividades sobre o mesmo:


LEMBRA:


EXHIBICIÓN SOLIDARIA GARDA CIVIL

14 xuño 2016


A principios do mes pasado,  todo o colexio, fomos a As Pontes para ver unha exhibición solidaria da Garda Civil na que participaron máis de 2000 escolares da zona. Dicimos que foi unha exhibición solidaria porque todo aquel que quixese podía colaborar entregando un kilo de comida e/ou material escolar que despois Cáritas entregará aos máis necesitados.

Durante a exhibición, decenas de axentes de distintas especialidades, nos amosaron o traballo que desempeñan. Ademais coñecimos o helicóptero do Servizo Aéreo da Garda Civil, os seus coches, as motos de Tráfico,as de Seprona, a lancha dos Geas, os cans detectores de drogas ou explosivos do Servizo Cinolóxico, e aprendimos tamén como se fai un rescate na montaña.

Pasamos unha mañá moi entretida. Podedes ver algunhas fotos da xornada clicando na imaxe de abaixo:

Presentación feita con PhotoSnack

PAXAROS NO HORIZONTE

12 xuño 2016

En plástica, estivemos a facer estas sombras de paxaros co distintas tonalidades dunha cor por detrás. Ollade que bonitos nos quedaron:




Collage feito en https://www.befunky.com

Gústanvos?

LAPBOOK SOBRE EEUU

09 xuño 2016


Dentro do proxecto da Biblioteca, "A volta ao mundo en 80 días" do que xa vos falei noutras entradas, esta semana cada clase fixo unha exposición de todo o que traballou sobre o país que lles tocou.

Como xa vos dixen polo Entroido, a nós tocounos Estados Unidos por iso nos disfrazamos de Estatuas da Libertade e de xogadores de Baloncesto. Pois ben, despois de moito pensar, decidimos que fariamos a nosa exposición a través dun lapbook en lugar de utilizar un mural.

Para quen non o saiba, un lapbook é un portafolios no que se inclúe moita información sobre un tema, utilizando sobres, solapas, libriños, ... e todo aquilo que se nos ocorra.

Así quedou o noso lapbook:

- Por diante...


- Por dentro...



- E pola parte de atrás ...


Neste video podedes ver que se agocha detrás de cada elemento do lapbook:


E neste outro, o ben que llo explicamos ao resto de nenos e nenas do cole:

GAÑAMOOOOOOOS!!!!!

08 xuño 2016

Sabedes que? O noso cole foi un dos tres colexios gañadores en España, dunha festa Kiwi polo noso traballo e participación no concurso "FRUTA UN BOTÍN SABROSO."

Así que o 19 de maio, recibimos a visita de Peter e dúas animadoras, que nos fixeron pasar un gran ratiño entretido con todos os xogos populares que traían e tamén disfrutar de todos os kiwis que quixemos. Foi sen dúbida algunha, unha gran e divertida festa. 

Clicade na imaxe para ver as fotos

Podedes ver todo o noso traballo, no BLOG e tamén neste xornal da clase que fixemos para o concurso:

EXCURSIÓN DE FINAL DE CURSO

06 xuño 2016

A semana pasada realizamos a excursión de final de curso. Foron catro días incribles nos que disfrutamos na compaña dos nenos e nenas de 5º e 6º do CEIP de Pazos.


O primeiro día, visitamos as Covas do Soplao en Valdáliga, famosas polas súas estalactitas excéntricas e as súas bandeiras traslúcidas colgando do teito. Unha verdadeira preciosidade.




O segundo día, pola mañá visitamos o Parque de Cabárceno e pola tarde o Forestal Park de Santander. Que medo pasamos!!!!!!!




O terceiro día, fomos a Fuente De e alí collimos o teleférico para ollar de preto os Picos de Europa. Tamén aproveitamos para visitar o Monasterio de San Toribio de Liébana e facer unha pequena visita por Potes. 





Cando chegamos de volta ao albergue, esperábanos unha gran sorpresa: Un refrescante baño na piscina!!!!!!


E xa para rematar esta incrible viaxe. o cuarto e último día, visitamos pola mañá a Neocueva de Altamira en Santillana del Mar, onde ademais de admirar as fantásticas pinturas, fixemos un divertido e artístico taller e pola tarde o Museo Jurásico de Colunga:




Sen dúbida unha viaxe inesquecible para tod@s!!!!!

CORRELINGUA 2016

19 maio 2016


O pasado martes día 10,  tivo lugar en Ferrol o Correlingua para reivindicar un ano máis o uso do galego entre os rapaces e rapazas da nosa comunidade.

A diferencia do ano pasado, este ano fomos todas as clases do centro. Sobre as dez e cuarto partimos cara o paseo marítimo de Caranza. Alí, xuntámonos con centos de compañeiros de distintos centros da comarca como Centieiras, Os Casais, O Terra de Ferrol, ... e fixemos unha camiñata ata o Auditorio Municipal.


Unha vez dentro, o grupo Talía Teatro fixo as tarefas de presentación.


A continuación tres rapaces de quinto do noso cole (Claudia, Borja e Lucía) e Sara Montagut de sexto, subiron ao escenario a ler o Manifesto Gañador deste ano escrito polo alumnado de portugués de 4º da ESO do IES de Ribadeo, Dionisio Gamallo. Podedes ler o texto do mesmo clicando AQUÍ.


Neste video podedes ver como len parte do manifesto. Por problemas técnicos non podemos dispoñer da lectura íntegra do mesmo:


E xa para rematar, todos poidemos disfrutar da actuación musical do grupo "Gramola Gominola" que nos fixo levantar a todos dos nosos asentos para movernos ao ritmo da súa música.

Aquí vos deixamos o video promocional do grupo:

ERASE UNHA VEZ ... KIWILANDIA

18 maio 2016


O último reto do concurso: "FRUTA UN BOTÍN SABROSO" consistiu en inventar distintos personaxes kiwi e con eles facer unha historia.

Así que nin cortos nin perezosos,cada un de nós inventou ao seu personaxe: o  KIWI-FIESTERO, o KIWI-CANTARÍN, o KIWI-RAPERO, o KIWI-DEPORTISTA, o KIWI-MAGO, o KIWI-ENAMORADO, o KIWI-DORMILÓN, o KIWI-SORPRENDIDO, o KIWI-AVENTUREIRO e o KIWI-HELADERO.

E con estes dez personaxes, escribimos individualmente, unha historia na que aparecesen todos. Despois, entre todos, votamos a que máis nos gustou para mandala para o concurso, e foi a de Sara Fernández.

Ollade que bonita historia e que bonitos debuxos fixemos:


Clicade no recadro de arriba á dereita para velo a pantalla completa

DÍA DAS LETRAS GALEGAS

17 maio 2016


Estes días na clase, estivemos aprendendo moitas cousas da vida e obra de Manuel María, o autor homenaxeado este ano no día das letras galegas. Con todo o que aprendimos, fixemos este video da súa biografía, tomando imaxes da páxina web CASA MUSEO MANUEL MARÍA.

Ollade como nos quedou:


Na páxina web, PRIMAVERA DAS LETRAS, podedes atopar moitos recursos sobre este gran autor galego:


Algarabía animación, fixo estes dous videos baseados en obras súas:


E con esta fermosa imaxe de Leandro Lamas, queremos desexarvos a todos, MOI FELIZ DÍA DAS LETRAS GALEGAS!!!!!!


CINENSINO: "DO REVÉS"

07 maio 2016


A segunda película que vimos dentro do programa de Cinensino foi "DO REVÉS" de Disney Pixar. Trátase dunha película moi útil para entender como procesa a nosa mente e como nos movemos e percibimos a realidade a través das emocións.

Comenzámola vendo un día en informática, pero por problemas técnicos, tivemos que rematar de vela na clase: 

Serviunos para que o noso alumnado investigase sobre as emocións e compartise experiencias cos seus compañeiros e compañeiras, representando as súas conclusión a través de diversos produtos.

Aquí vos deixamos o tráiler oficial da película:

RECICLAMOS: FACEMOS COLARES

05 maio 2016

A semana pasada fixemos uns bonitos colares utilizando arandelas, vernices de cores, rotuladores permanentes e cinta ou cordón de cor negra:


Ollade que concentrados estabamos ...


E que bonitos e orixinais quedaron:



Gústanvos?