DÍA DE ROSALÍA
Coñecimos a súa biografía, debuxamos o seu retrato imitando os autorretratos de Van Gogh e escribimos neles unha estrofa do seu poema "Un desengaño".
Despois, seguindo a proposta dos Asociación de Escritores en Lingua Galega, penduramos das portas e dos cristales do colexio, a nosas imaxes de Rosalía.
Nós además, gravamos o poema. E que mellor que unha das "nosas" Rosalías para recitalo. Ollade que ben nos quedou.
Feito con CrazyTalk
Etiquetas CURSO 2017/18, DÍA DE ROSALÍA
CELEBRANDO O DÍA DA PAZ
O pasado 30 de xaneiro, celebramos no colexio o día da Paz. Ao longo da semana anterior, cada clase elaborou conxuntamente ...
- Unha botella cunha mensaxe de paz. Nós aproveitamos que estabamos a estudar a vida de Martin Luther King para escribir entre todos a súa biografía e poñela na nosa botella :
Para iso utilizamos esta plantilla:
- Un peixe grande ou varios pequenos. Nós fixemos este utilizando unha técnica similar ao FOLIO XIRATORIO. Durante dous minutos cada un ía debuxando o peixe e ao remate do tempo, pasábao ao seguinte:
E despois individualmente, cada neno e nena, autorretratouse utilizando para pintar a súa pel "As cores da pel" de Ubuntuland:
Coas botellas, peixes e autorretratos de todas as clases, fixemos un gran mural que titulamos: "UN MAR DE PAZ":
O día 30, sobre as dez e media, deu comezo o tradicional programa de radio sobre a Paz, presentado este ano por Martín e Antía de sexto de primaria. Aquí volo deixamos para que poidades escoitalo:
Mentras escoitábamos o programa, fixemos o Bingo da Paz de Unicef, co fin de atopar que cousas temos en común con quenes nos rodean para darnos así conta de que para construir a paz, temos que centrarnos nas cousas que nos unen, non nas que nos diferencian. Tiñamos que buscar pola clase, compañeiros que tiveran os mesmos gustos que nós, e cando atopabamos un, tiña que asinar nese recadro:
E tamén, esta manualidade relacionada coa paz e con Martin Luther King. Pola parte de diante, coloreamos a Terra, un corazón e tres mans utilizando unha vez máis as "Cores da pel" e pola parte de atrás, escribimos o noso desexo de paz para todo o planeta:
Despois do recreo, xuntámonos todos no patio cuberto para cantar a canción "Apertas que voan" de Paco Nogueiras:
Podedes ver máis fotos da celebración, na galería da páxina web do cole:
Etiquetas CURSO 2017/18, PAZ
MARTIN LUTHER KING
Co gallo do día da Paz, estivemos estudando na clase a vida dun gran activista pola paz: "Martin Luther King".
Comezamos vendo esta pequena biografía para nenos:
A continuación, repartímonos o traballo, ilustrámola e gravámola coas nosas voces:
Etiquetas CURSO 2017/18, PAZ
CELEBRAMOS O ENTROIDO
Nós eleximos disfrazarnos de demos. Entre todos fixemos esta pancarta:
E na clase fixemos os cornos, o rabo, o tridente e coa axuda da profe a túnica:
E así de guapísim@s iamos todos:
Na páxina web do colexio podedes ver moitísimas fotos máis deste día:
Etiquetas CURSO 2017/18, ENTROIDO, PROXECTO GALICIA MÁXICA
ORDES DO MECO: Día 4
E como non, hoxe tamén recibimos a visita do MECO para comprobar se tod@s cumplíramos o seu mandato de vir con algo na cabeza, o pescozo decorado,uns lentes nos ollos e algo que faga ruído.
E nós, como somos moi mandadiños, así o fixemos:
Etiquetas CURSO 2017/18, ENTROIDO, ORDES DO MECO
ORDES DO MECO: Día 3
Por terceiro día consecutivo, recibimos a visita do MECO para comprobar se tod@s cumplíramos o seu mandato de vir con algo na cabeza, o pescozo decorado e uns lentes nos ollos.
Quedou abraiado de ver o ben que iamos:
E este é o mandado para mañá:
Etiquetas CURSO 2017/18, ENTROIDO, ORDES DO MECO
ORDES DO MECO: Día 2
Hoxe recibimos a visita do Meco, esta vez en forma de Meiga e do Mago Macín. Ollade que guapísim@s estábamos tod@s coa cabeza e o pescozo decorado:
E para mañá mércores:
Etiquetas CURSO 2017/18, ENTROIDO, ORDES DO MECO
ORDES DO MECO: Día 1
Un ano máis, grazas á ANPA, presentámosvos o Meco deste ano, un fermoso bosque máxico no que colaboraron todos aqueles nenos e nenas que quixeron, e que nos vai acompañar neste Entroido.
O mandado para hoxe era ...
E cando veu o Meco a visitarnos (estabamos en clase de Relixión e de valores) así de guapísim@s nos viu:
E para mañá ...
Etiquetas CURSO 2017/18, ENTROIDO, ORDES DO MECO